Elf joar geleeje werd ig gevroagd of ig intresse heij om bie de Road van Elf te komme. Destieds kos de road nog leeje gebroeke en woar dea neet zo groot es noe.

Toen miene zoon Giliam jeugdprins werd, hub ig van dichtbie gezeen wie ut dr aan toe ging binne de carnavalsvereniging. Hea heij zich destieds opgegeave via de sjool om jeugdprins van de Lombokkers te weare. Veur 2014 heije vr neet zoveul mit carnaval, maar omdat vr van boete ut durp kwamen, leek ut os un gooij manier om te intergreren.

Ut joar dr op hub ig mig zelf aan gemeld om bie de Road van 11 te goan. Es boete stoander is ut gooij manier om luuj te leren kinne. Om deil te numme aan verenigingen en gesprekke aan te knöpe euver wie datse bis en wo datse vandaan kums.

Tot op de daag van vandaag hub ig geine spiet om mig bie de Lombokkers aan te sloete.

Dan wil ig hie bie loate, houp ug te zeen bie de carnavalsactiviteiten: de mansluuj- en vrouwluujzitting, ut sjoolcarnaval, of misschien in de optocht- lopend in unne groep of op unne wagen.

Want dr is niks sjooner dan mit te doon en de zörgen van alledaag eave aan de kant te zitten.

Nattehoave/ Berg Alaaf

CV De Lombokkers Alaaf

Vasteloavend in Limburg Alaaf

Wilfried Lemans