Beste bezeuker van ozze site,
Welkom op de site van de Lombokkers. Leuk dat geer op ozze site kiekt, mer nog leuker is ut om live bie os activiteiten aanwezig te zeen.
Wat woar ut weer eine sjone oavend, de prinsoetreuping, noa ut aaftreeje van ozze oud hooglustigheden Funs, Isa en Joey woar ut tied veur de oetreuping. 11 aanknopingspunten. Feline kwoam onherkenbaar de bühne op gelaupe, mer Tom en Kim woare in de zaal. Om undercovver te blieve hej Tom waal ein aparte techniek, hea zoat esof d’r niks aan de handj woar achter de bonneverkaup.
Noa de installatie woar ut tied veur ein feeske, Samen mit de verrassings act woar de polonaise ingezat, eerst nog wat onwennig, mer al gauw zoate ozze nuje hooglustigheden gans in hun rol.
Uiteraard wil ich ozze Hooglustigheden, Prins Tom de 1 e , prinses Kim en jeugdprinses Feline van harte feliciteren mit hun installatie es nuje prins en (jeugd)prinses van de Lombokkers, u hoge woord is d’r oet en de ut grote geheim hooft neet langer op uch sjouwers gedrage te weare. Noe kump de tied van genieten en beleave, loat uch mit veure op de kleurrijke sjtörrem van vastelaovend. Veer es Lombokkers zeen d’r in eeder geval kloar veur om uch
tot in de late uurkes te begeleiden en in de watten te lègge.
Noe geer toch op ozze site aan ut leaze zeet, kiek auch ens in de agenda woo al osactiviteiten in stoan. Gear wille veer uch oet neudigen om samen mit ôs de vastelaovend te beleave. Uiteraard zeet geer van harte welkom op ôs recptie op 6 fibbrewarie woo geer os nuuj prinsen en prinses kent feliciteren mit hun oetreuping.
Doa neave, knutsel, plek, maak ein pekske of boew eine wage en geaf uch op veur de “grwoate” optoch van Berg en Nattenhoave. Want vastelaovend make veer neet allein, dat make veer same mit de luuj van Berg en Nattehoave.
De route lup get anges dit joar, van de hulpdiensten moage veer de Kirksjtroat neet blokkeren mit de grwoate optoch van Berg, mer de optochcommissie heat ein nuje route bedach, zoadat veer Uermend neet eine ganse daag van de boetewaereld aafsjleete mit de optoch.
Alaaf!
Paul Alberti
Vorst CV de Lombokkers